Lo Gai Saber s’adreiça per vocacion a totes los Occitans en occitan. Nòstra revista se vòl responsabla de cap a sos lectors de la clartat e de la correccion de la lenga emplegada.
Aquò fa que las presentacions e los articles de fons (assages, cronicas, critica literària, questions de lenga, istòria…) devon èsser prepausats unicament en occitan estandard, comprés coma la varietat lingüistica comuna a totes los que se vòlon informar e desiran communicar dins nòstra lenga. La tòca es de ne rendre la lectura aisida e d’evitar que – coma arriba tròp sovent – la matèria occitana siá tractada en francés. Tot cadun i ganha, l’occitan en primièr.
Pels tèxtes de creacion, a interès comparable, la prioritat es donada als tèxtes prepausats en occitan estandard. Los tèxtes dialectals retenguts seràn acompanhats de las nòtas explicativas necessàrias a lor compreension.
Dins totes los cases, la redaccion verifica la coëréncia de la lenga e pòrta las correccions utilas. Per aquò far, s’empara prioritàriament sus los espleits que son la Gramatica de l’occitan estandard (Dir. Florian Vernet, Collègi d’Occitania / Academia Occitana, Tolosa, 2020) e lo DGLO (Diccionari General de la Lenga Occitana) : https://www.academiaoccitana.eu/ressorsas/
Las proposicions de contribucion son a mandar pel formulari çai-jos o per fichièr numerizat a l’adreiça : contacte@logaisaber.com
Per sometre un article o un tèxte à la publicacion, cal èsser a jorn de son abonament.
Lo Gai Saber
